Khuda Haafiz (2020) Sinhala Subtitle (සිංහල උපසිරැසි)

- Advertisement -

“ප්‍රශ්නයක් අහන්නද කෙලින්ම?”
“අහන්නකෝ..”
“ගෙදර අයගෙ වදේ නිසා, නැත්නම් ගෙදර අය මට කැමති නිසා,
නෙවේනේ මාව කසාද බදින්නේ..? ”
” වෙන මොනා හරි සම්බන්ධකමක් එහෙම තියේනම්……”

“” කවුද කිව්වෙ, මට ඔයාව කසාද බදින්න ඕනෙ කියලා.. “”

ආන් එහෙම පිළිතුරක් දුන්න “නාර්ගිස්ව” අවසානයේ “සමීර්ට” එයාගෙ ජීවිතයම බවට පත්වෙනවා..

මගේ හැගීම්….
ඔයා වචන වලට පෙරලන්න ගත්තා…
මගේ හදවතේ, ඔයා අමුත්තියක් වුනා…
මම වෙන මොනානම් කියන්නද?…
ඔයා මගේ ජීවිතයම වෙලා දැන්…..

හොදයි, ආන් ඒ ආකාරයට ඇරඹෙන ලස්සන ආදර කථාවක්, Thriller/Action වලට පෙරලෙන ආකාරය ඔයාලට විදගන්න අවස්ථාව ලබා දෙන්න මම අද මගේ *50 වෙනි උපසිරැසි ගැන්වීම* ඔයාලට මෙලෙස ගෙන හැර දක්වනවා. මගේ පළමු උපසිරැසිය අරන් සයිට් 2ක් අතරෙ කැරකෙමින් ඉන්න මොහොතක, ලහිරු අයියගෙ රිප්ලයි එකකින් ඒ දවසේෙ ලබා දුන්න මගේ පලවෙනි උපසිරැසිය zoom.lk එකේ පලවෙන්නේ “2020-02-09” වෙනිදා රාත්‍රියේ.. එදානම් ලොකු සතුටක් දැනුනේ. ඒ කියන්නේ මම දැනට සූම් එකට සම්බන්ධ වෙලා මාස 6ක් වගේ තමා වෙන්නේ. ඒත් දැනෙන්නේ නිකන් අවුරුදු 2ක් විතර හිටියා වගේ. මේ ආපු පුංචි ගමනේ හොද යාළුවො ගොඩක් මුනගැහුණා. පලවෙනි උපසිරැසියෙන්ම සිංහල උගන්නපු  “දර්ශන නිශාන්ත” ඇඩ්මින්…නොදන්නා ඉංග්‍රීසි අහගත්ත “නවීන්ර න්දික”…. ඉන්දියාව තමන්ගෙ කරගත්, ඕනෙ බසක් අහගන්න පුළුවන් වුනු “ලහිරු උදයංග”….ඒ වගේ මේ උපසිරැසි නිසා බුකී වාසින් සෑහෙන පිරිසක් යාලුවො බවට පත්වුනා.. පළවෙනි උපසිරැසිය දීලා දවස් 13ක් ගියා පළවෙන්න.. හේතුව මගේ ඩොටේ සිංහල තමයි. ඇඩ්මින් එක්ක යකා නැග්ගත් සිංහල පොඩ්ඩක් පොෂ් කරගත්තා ඒකෙන්. ඒකෙත් පොඩි ලල් එකක් තියෙනවා..

50 වෙනි උපසිරැසිය විදියට තෙළිගු/ටැමිල් එකක් අරන් එන්න බලාන උන්නත් කොරෝනා නිසා හොද එකක් ආවෙම නෑ ආපු ඒවත් හින්දි ඒවම තමයි ආවේ.. එන්න තියෙන්නෙත් හින්දි ෆිල්ම්ම තමයි.. පැත්තකට වෙලා ඉන්නකොට මේක හරියන් නෑ හින්දි එකකටම ගහමු කියලා ලහිරු අයියා තමයි මේක කරපන් කියලා ඇගේ ගැහුවේ. අන්න ඒ විදියට මගේ තුන් හිතකවත් නොතිබුණු හින්දි ෆිල්ම් එකකට ගහන උපසිරැසියම 50 වෙනි උපසිරැසිය වුනා.. ලහිරු බ්‍රෝ නැත්නම් 50ත් නෑ…මේ සබත් නෑ..

KHUDA HAAFIZ නැත්නම් ” දෙවි පිහිටයි ” කියන තේරුම තමයි අර්ථ දැක්වෙන්නේ. චිත්‍රපටයට නියමාකරායටම
ගැළපෙන නමක් තමයි කුදා හාෆිස් කියන්නෙ. මෙය Action/Thriller කාණ්ඩයට අයත් අතර IMDb අගය 9.4 ක් ගන්න තරම් ප්‍රභල වෙලා තියෙනවා. හරි මං අනික් විස්තර කියන්න කලින් ආයෙම කලින් නවත්තපු ආදර කතාවටම යොමු වෙනවා. කලින් කිව්වනේ මේ ආදරය “සමීර්ට” දැණුන හැටි පද වැලකින්. දැන් බලමු මේකම අපේ ගැහැණු ලමයා “නාර්ගිස්ට” දැණුනු හැටි..

දෛවය විසින් මට….
ඔයාගෙ ආදරය සොයලා දුන්නා…
ඒක හරියට, දෙවියන්ගෙන් ඉල්ලපු පැතුමක්..
ඉටු වුනා වගෙයි…..
මම මෙහෙම දෙයක් හිතලවත් තිබුනෙ නෑ…
ඒත් එයාව මටම අයිති වුනා…
වෙන මොනා නම් ඉල්ලන්නද?….
දෙවිදුණි මට දෙන්න කියා…
…..ඔයා මගේ දැන් මුළු ජීවිතයම වෙලා….

අන්න ඒ විදියට නාර්ගිස්ටත් සමීර්ව එයාගෙ මුළු ජීවිතයම වෙනවා.දැන් බලමු මේ ආදර කතාව Thriller/ Action වුනේ
කොහොමද කියලා.. Inspired From True Events කියලා තමයි චිත්‍රපටයෙ සදහන් වෙන්නේ. ලස්සන ආදර කතාව කසාදයකින් කෙලවර වෙනවා වගේම හදිසියේම සිය බිරිද අතුරුදහන් වෙනවා…මේ ටික අපි ට්‍රේලර් එකෙන්ම දැක්කනේ.  අතුරුදන් වෙනවා කියන්නේ…… “A newly married couple’s life falls in jeopardy when the wife goes missing under the mysterious circumstances.” මේ දෙන්නා කසාද බැදලා සුන්දර විදියට ජීවිතේ ගත කරන් යනකොට තමයි එක පාරටම දෙන්නටම දෙන්නාගේ රස්සාවන් අහිමි වෙන්නේ.. ඒ වෙද්දි ඉන්දියාවෙ ලොකූ ආර්ථික අර්බුදයකටඑ මුහුන පාමින් තමයි ඉන්නේ…ඒ හමුවේ රැකියාවක් ලබා ගැනීමට දෙන්නටම විදෙස් ගත වෙන්න වෙනවා..ඒත් ඉස්සෙල්ලම යන්න වෙන්නෙ  නර්ගීස්ට, එයාට මුලින්ම ලියුම එනවා..ඒ වෙනකම් නාර්ගීස් නගරෙන් පිට කොහේවත් තනියම ගිය කෙනෙක් නෙවෙයි..කොහොම හරි  එයා නෝමර්නයට යනවා..ගියා ගියාමයි එක පාරටම කෝල් එකක් එනවා… *****සමීර් මාව ගෙදර එක්කගෙන එන්න සමීර්, මට මෙයාල හිරි හැරකරනවා…අනේ මාව එක්කගෙන යන්න එන්න**** ටසිරි කියන්නෙ ජම්වාල් කාරයා වෙව්ලනවා වෙව්ලිල්ලක් ආයෙ නෑ පන නැති වෙනවා…මූ කොහොම හරි යනවා නෝර්මන් ගියාට කිසිම හෝඩුවාවක් නෑ. සමීර්ට පුලුවන් වෙයිද බිරිද හොයාගන්න? බිරිදට මොකද වුනේ?

අන්න ඒ විදියටයි මේක ත්‍රිලර් වෙන්නේ.හොදයි අපෙ සමීර් යනවා සිය බිරිදව හොයන් නොදන්නා රටකටට.ගිහින් තම බිරිදගේ ෆොටෝ එක පෙන්න පෙන්න හැමෝගෙන්ම අහනවා. ඒත් වෙච්ච දෙයක් නෑ.. මෙහෙම යන ගමනෙදී සමීර් නිතරම ප්‍රාර්ථනා කරනවා සිය බිරිදට “දෙවියන්ගේ ආශිර්වාදය ලැබේවා” (Khuda Haafiz) කියලා. මම ඔයාව හොයාගන්නකම්..මම හොයාන එනකම්.. පරිස්සමට ඉන්න..

අපි…..මුනගැහෙයි…..
ආයෙත් වෙනයම් දවසක….
ඒ වෙනකම් ඔයාට…
දෙවියන්ගේ ආශිර්වාදය ලැබේවා….(කුදා හාෆිස්)

මේ වෙන්වීම ටික දවසකටයි….
ඒ වෙනකම් ඔයාට….
දෙවියන්ගේ ආශිර්වාදය ලැබේවා…

ඉතිං මෙහෙම බිරිදට දේව ආශිර්වාදය පතන සැමියානන්ට කාලයේ සරදමින් අත් වුනු මේ වේදනාවට, ආදරය නම් බලගතු මායාව මගින්ම සැනසීම ලගා කරනු ඇතයි ඔහුගේ විශ්වාසය.. “ඔව් මේ වෙන්වීම ටික දවසකටයි, මම එනකම්.. මේ මම එනකම් ඉන්නකෝ එතකම් ඔයාට කුදා හාෆීස්…ඔන්න ඔහොම ක්‍රමයෙන් මේ කතාව Action වලට පෙරලෙනවා.. ඇක්ශන් ගැන කියන්න යන්නෙ නෑ.. ත්‍රිල් එක විදින ගමන් විද්‍යුත්ගෙ වැඩ සෙට් එක බලාගන්න..ෆිල්ම් එකනම් මරු.. මේ කියපු ටිකත් ආපු සිංදු ටිකෙන් දැක්කනේ.. මෙතනින් එහාට වෙන දේ හොයන්න තමයි අපි මේ චිත්‍රපටය එනකම් බලාන උන්නේ.. ඔන්න එහෙනම් ඔයාලම බලාගන්න මොකද වෙන්නෙ කියලා. සමීර්ගේ බිරිදට මොනවද වුනේ කියලා.. සමාන්‍ය මනුස්සයෙක් වෙන සමීර්ට බිරිද වෙනුවෙන් කෙතරම් දුර යන්න පුලුවන් වෙයිද?

චිතරපටියේ ගීත ටිකනම් මාරම ලස්සනයි…ඔක්කොටම උපසිරැසි ගන්වලා තියෙන්නේ..කුදා හාෆීස් Title track එක
ගායකයා ලස්සනටම දැනෙන්නම ගායනා කරනවා…

වගේම තව විස්තර කියනවනම්…..අධ්‍යක්ෂනය සහ පිටපත Faruk Kabir. සමීර්ගේ චරිතයට Vidyut Jammwal සහ නාර්ගිස්ගෙ චරිතයට Shivaleeka Oberoi විසින් පණ පොවනවා.. yeh saali aashiqui එකෙන් නැති වුන නම්බුව හෝස් ගාල අදිනවා මේකෙන්.. Panorama Studios එකෙන් නිෂ්පාදනය වෙලා, Disney+Hotstar හරහා ඔන්න ඔයාලට කෙලින්ම HD පිටපතක් දැන් පැය කිහිපයකට කලින් බෙදා හැරියා.. Raid/ Dhrishyam හදපු ටීම් එකේ 26 දෙනාම තමයි මේකත් හදලා තියෙන්නේ. (OMKARA)

NOTE: Vidyut Jammwal විසින් මෙතෙක් රග පෑ චිත්‍රපට බොහෝ සෙයින්ම , තුවක්කුව සමග සෙල්ලම් කරන, කරාතේ කලාව ඇගට හුරු වුනු චරිත තමයි රගපෑවේ.. නමුත් මෙහෙදී ඔහු… මෙම චිත්‍රපටය තුළින් සාමාන්‍ය සරල රස්සාවක් කරන සාමාන්‍ය ලෙස කසාද බැදලා සරල ජීවිතයක් ගෙවන් යන තරුණයෙක්. එහෙමෙයි කියලා ඇක්ෂන් නැති වෙලා නෑ.  මෙහිදී මොහු තුවක්කුවක් ඇල්ලු විට වෙව්ලන ස්වභායකින් යුතු සාමාන්‍ය පුරවැසියෙක් වුනත් සිය බිරිද උදෙසා වෙස් පෙරලගන්නවා. අලුත්ම කෝනයක් ඉදිරිපත් කරනවා. ඔහුගේ මුහුනේ හැගීම් ප්‍රකාශනයන් හොදට කරනවා. මෙය විද්‍යුත්ගෙ තවත් සිනමා පැතිකඩක්. බලන්නකො එහෙනම් සාමාන්‍ය මනුස්සයෙක් සිය බිරිද රැක ගැනීමට කිනම් ස්වරූපයකට අවතීර්ණ වෙයිද කියලා..

අවසාන වශයෙන් ආයෙම “ලහිරු උදයංග” සහෝදරයට ස්තූති කරනවා. එහෙනම් 50 වැනි උපසිරැසිය  මට පුලුවන් උපරිමෙන්ම කරා.. එහෙනම් ආයෙමත් උපසිරැසියකින් හමුවෙනකම් හැමෝටම “කුදා හෆීස්!!!”

• Due to copyright issues we do not provide any torrent links
• ලබාදි ඇති උපසිරැසි සියළුම අන්තර්ජාලයේ ඇති WEB / HD පිටපත් සදහා ගැලපේ

Download “Khuda Haafiz (2020) සිංහල උපසිරැසි” Khuda.Haafiz.(2020).Sinhala.Subtitle.rar – Downloaded 11686 times – 35 KB

Please notice that we are not providing the torrent file and not responsible for the Subtitle link we provide. If you have any complains about our contents, please email us at admin@zoom.lk

අශේන් කවිඳු

+ posts

• 

  July 12, 2020

  Mrs Fletcher (2019) (Complete Season 01) Sinhala Subtitle (සිංහල උපසිරැසි)
• 

  July 13, 2020

  Jaanu (2012) Sinhala Subtitle (සිංහල උපසිරැසි)
• 

  July 14, 2020

  Columbus (2015) Sinhala Subtitle (සිංහල උපසිරැසි)
• 

  July 14, 2020

  Vaanam Kottattum (2020) Sinhala Subtitle (සිංහල උපසිරැසි)