Smurfs (2025) Sinhala Subtitle
Smurfsලට ආදරේ කරන හැමෝටම සුබ ආරංචියක්! 2025 දී Smurfsලගේ අලුත්ම ඇනිමේෂන් චිත්‍රපටයක් ආවනෙ. ඒකට සිංහල උපසිරැසියක් තමයි අද ගෙනාවෙ. මේක කලින් ආපු live-action ෆිල්ම් වගේ නෙවෙයි, සම්පූර්ණයෙන්ම ඇනිමේටඩ් මියුසිකල් එකක්. ඒ කියන්නේ ලස්සන සින්දු ගොඩකුත් මේකේ අහන්න ලැබෙයි. Paramount Pictures සමාගම තමයි මේක බෙදාහරින්නේ.
මේ පාර කතාවේ ප්‍රධාන දුෂ්ටයා ගාගමෙල් විතරක් නෙවෙයි. එයාගේ සහෝදරයෙක් ඉන්නවා, නම “රසාමෙල්” (Razamel). රසාමෙල් කියන්නේ ගාගමෙල්ටත් වඩා දරුණු, මුළු ලෝකයම පාලනය කරන්න හදන කෙනෙක්. එයා මේ වැඩේට මැජික් පොත් හතරක් පාවිච්චි කරන්න හදනවා.
මේ අතරේ, ස්මර්ෆ් ගම්මානයට අලුත් කෙනෙක් එනවා. එයාට නමක් නෑ, ඒ නිසා හැමෝම කියන්නේ “නමක් නැති ස්මර්ෆ්” (No Name Smurf) කියලා. මෙයා හිතාගෙන ඉන්නේ තමන්ට ලොකු මැජික් බලයක් තියෙනවා කියලා. කොහොමහරි, මේ සිද්ධිය නිසා රසාමෙල් ස්මර්ෆ් ගම්මානය හොයාගෙන පාපා ස්මර්ෆ්ව පැහැරගන්නවා.
ඉතින්, “නමක් නැති ස්මර්ෆ්”, ස්මර්ෆෙට් (Smurfette) සහ තවත් යාළුවෝ සෙට් එකක් එකතු වෙලා පාපා ස්මර්ෆ්ව බේරගන්න ලොකු ගමනක් යනවා. මේ ගමනේදී එයාලට අලුත් චරිත ගොඩක් මුණගැහෙනවා. ඒ අතර “ස්නූටර්පූට්ස්” (Snooterpoots) කියන අලුත්ම ජීවී කොට්ඨාසයකුත් ඉන්නවා.
අන්තිමේදී, “නමක් නැති ස්මර්ෆ්” තේරුම් ගන්නවා ඇත්ත මැජික් එක තියෙන්නේ එයාගේ ඇතුළෙමයි කියලා. එයා තමන්ටම “මැජික් ස්මර්ෆ්” (Magic Smurf) කියන නම දාගෙන, රසාමෙල්ගෙන් පපාව බේරගන්න දරන ප්‍රයත්නයක් තමයි තියෙන්නෙ.
හඬ දායකත්වය
මේ ෆිල්ම් එකේ විශේෂත්වයක් තමයි ප්‍රසිද්ධ ගායිකා රියානා (Rihanna) ස්මර්ෆෙට් (Smurfette) චරිතයට හඬ දෙන එක. හඬ දෙනවා විතරක් නෙවෙයි, එයා මේ ෆිල්ම් එක නිෂ්පාදනය කරන්නත්, අලුත් සින්දු ලියන්නත් දායක වෙලා තියෙනවා.
අනිත් ප්‍රධාන චරිතවලට හඬ දෙන අය මෙන්න:
-
ජේම්ස් කෝඩන් – නමක් නැති ස්මර්ෆ් / මැජික් ස්මර්ෆ්
-
ජෝන් ගුඩ්මන් – පාපා ස්මර්ෆ්
-
නික් ඔෆර්මන් – පාපා ස්මර්ෆ්ගේ සහෝදරයා, කෙන්
-
ජේ. පී. කර්ලියැක් – ගාගමෙල් සහ රසාමෙල් (චරිත දෙකටම)
-
කර්ට් රසල්, සැන්ඩ්‍රා ඕ, නතාෂා ලියෝන් වගේ තවත් ප්‍රසිද්ධ නළු නිළියන් රැසක් හඬ දායකත්වයෙන් එකතු වෙලා තියෙනවා.
සංගීතය
මේක මියුසිකල් ෆිල්ම් එකක් නිසා සින්දු ගොඩක් තියෙනවා. රියානාගේ අලුත් සින්දු වගේම, ජනප්‍රිය නිර්මාපකයෙක් වෙන හෙන්රි ජැක්මන් (Henry Jackman) තමයි චිත්‍රපටයේ පසුබිම් සංගීතය නිර්මාණය කරලා තියෙන්නේ.
කොහොම වුණත්, මේක ස්මර්ෆ්ලගේ ලෝකෙට අලුත් චරිත, අලුත් කතාවක් සහ ලස්සන සින්දු ගොඩක් එකතු කරන විනෝදකාමී ඇනිමේෂන් චිත්‍රපටයක්.
- Due to copyright issues we do not provide any torrent links
- ලබාදි ඇති උපසිරැසි අන්තර්ජාලයේ ඇති PreHD පිටපත් සදහා ගැලපේ.
- SRT ලෙස උපසිරැසි නිකුත් කර ඇත.
- විඩියෝ Cinevood වෙබ් අඩවියේ පිටපත් සදහා ගැලපේ.
Please notice that we are not providing the torrent file and not responsible for the Subtitle link we provide. If you have any complains about our contents, please email us at admin@zoom.lk
ස්තූතියි අශේන් සහෝ සබට..
ඔරිජිනල් ආපුහම අප්ඩේට් එක ඕනේ