The Childe (2023) Sinhala Subtitle
මාකෝ කියන්නේ සංකීර්ණ අතීතයක් තියෙන තරුණ කොල්ලෙක්. එයාගේ තාත්තා කොරියානු ජාතිකයෙක්, අම්මා පිලිපීන ජාතිකයෙක්. හැබැයි, මාකෝ අම්මා ගැන දන්නේ නෑ. එයා දන්නේ, අසනීප තත්වයේ ලෙඩ ඇදේ ඉන්න අම්මාව විතරයි. අම්මාට ඉතා ඉක්මනින් සැත්කමක් කරන්න අවශ්‍ය වෙනවා. ඒ නිසා, ඒකට අවශ්‍ය මුදල් හොයාගන්න මාකෝ තෝරගන්නේ විධි දෙකක්. එක: මාකෝ කියන්නේ දක්ෂ බොක්සිං ක්‍රීඩකයෙක්. ඒ නිසා, ඔට්ටුවට සෙල්ලම් කරන එක. දෙක: මාකෝගේ තාත්තා පෝසත් කෙනෙක් කියලා අහලා තිබ්බා. ඒ නිසා එයාව හොයාගත්තොත් අම්මාගේ සැත්කමට අවශ්‍ය මුදල හොයාගන්න පුළුවන්.
මේ අතරේ තමයි, මාකෝව හොයාගෙන කෙනෙක් එන්නේ, කොරියාවේ ඉන්න තාත්තා, තමන්ගේ පුතාව හොයනවා කියලා. දැන් තමයි මාකෝ ගේ ජීවිතය වෙනස් වෙන්නේ. එයාට අවශ්‍ය කරන මුදල හොයාගන්න පුළුවන් වෙයිද, එයාව මොකටද කොරියාවට ගෙන්න ගන්නේ, අම්මාගේ සැත්කම කරන්න පුළුවන් වෙයිද, මේ දේවල් වලට උත්තර දැනගන්න, චිත්‍රපටිය බලන්නම වෙනවා.
මේක මම බලපු, රසවිඳපු හොඳම කොරියන් චිත්රපටි අතරට වැටෙනවා. මහ ලොකු කතාවක් මේකේ නෑ. සරල සිදුවීමක් තමයි මුළු චිත්‍රපටියටම තියෙන්නේ. හැබැයි, ඒකට සම්බන්ධ වෙන චරිත සියල්ල හොඳින් හසුරුවලා කතාව ගොඩ නගාගෙන තියෙනවා. චිත්‍රපටියේ වෙන කිසිම සිදුවීමක් අතහරින්න හිතෙන්නේ නැති තරමටම කතාවට වැදගත් කරලා තියෙනවා. රඟපාන අයත්, චිත්‍රපටියට ඉතාම සාධාරණයක් කරලා තියෙනවා.
Park Hoon-jung විසින් තමයි මේ චිත්‍රපටිය අධ්‍යක්ෂණය කරලා තියෙන්නේ. කොරියාවේ ජනප්‍රියතම අධ්‍යක්ෂකවරයෙක් කිව්වොත් නිවැරදියි. Next Entertainment ආයතනය මඟින් ලොව පුරා බෙදාහැරීමේ කටයුතු කරලා තියෙනවා. රඟපෑමෙන් දායක වෙලා තියෙනවා, Kim Seon-ho (යාළුවා), Kang Tae-joo (මාකෝ), Kim Kang-woo (හන් යී-සා), Go Ara (යුන්-ජූ) ඇතුළු පිරිසක්.
චිත්‍රපටියේ වෙබ් රේටිං ගත්තත් කිසිම වරදක් කියන්න බැරි තරම්. මේ ලිපිය ලියන වෙලාවේ, IMDb 6.9, Rotten Tomatoes 92%, Google Users 95% මේකට කැමැත්ත දීලා තිබ්බා. හොඳ අගයන් ටිකක් එක්ක, තව දිග අනාගතයක් තියෙන කතාවක්.
එහෙනම් සුපුරුදු විදියටම, මේ සිංහල උපසිරැසි එක්ක චිත්‍රපටිය රස විඳින්න. හැමදාම කියනවා ව‍ගේ, උපසිරැසි වල ගුණ දොස්, ගල් මල්, හොඳ නරක, වැරදි අඩුපාඩු අපිට කියන්න. හැ‍මෝටම ජයවෙවා!!!
- Due to copyright issues we do not provide any torrent links
- ලබාදි ඇති උපසිරැසි අන්තර්ජාලයේ ඇති එච් ඩි හා වෙබ් පිටපත් සදහා ගැලපේ
- SRT හා IDXTV ලෙස උපසිරැසි නිකුත් කර ඇත.
- විඩියෝ පිටපත් සුම් ලින්ක් හබ් වෙබ් අඩවියෙන් පහසුවෙන් ලබාගත හැක
Please notice that we are not providing the torrent file and not responsible for the Subtitle link we provide. If you have any complains about our contents, please email us at admin@zoom.lk
ගොඩක්ම ස්තූතියි නිලුෂ සොයුර ………
ඔබට සහ ඔබ පවුලේ සැමටත්
මෙම වෙබ් අඩවියේ සියලුම සොයුරු සොයුරියන්ටත්
බුදු සරණයි – දෙවි පිහිටයි ……..!