Elumale (2025) Sinhala Subtitle

** කැලෑවක් මැදින් දිවෙන භයානක ආදර කතාව – Elumale (2025)**

කන්නඩ සිනමාව කියන්නේ දැන් නිකන්ම නිකන් ආදර කතා වලට කොටු වුණු තැනක් නෙවෙයිනේ. 2025 සැප්තැම්බර් මාසේ රිලීස් වුණු “Elumale” (එළුමලේ – සප්ත කඳු) ෆිල්ම් එකත් අන්න ඒ වගේ, පටන් ගත්ත වෙලාවේ ඉඳන් හුස්ම අල්ලගෙන බලන්න පුළුවන් සුපිරිම ත්‍රිලර් එකක්. මේක නිකන්ම ලව් ස්ටෝරි එකක් කියලා හිතුවොත් නම් ඔයාට වැරදුණා!

කතාව ගැන කියනවා නම්,
හිතන්න, ඔයා ඔයාගේ ආදරේ වෙනුවෙන් ගෙදරින් පැනලා යනවා. අරමුණ කොහොමහරි මලේ මහාදේශ්වර කඳුකරයට ගිහින් එකතු වෙන්න. හැබැයි දෛවය සරදම් කරනවා කියන්නේ මෙන්න මේ වගේ වෙලාවට තමයි.

හරිෂ් (Raanna) කියන ටැක්සි ඩ්‍රයිවරුයි, රේවතී (Priyanka Achar) කියන සල්ලිකාර පවුලක කෙල්ලයි පැනලා යන්න තෝරගන්නේ නිකන්ම දවසක් නෙවෙයි. ඉන්දියානු ඉතිහාසයේ භයානකම මෙහෙයුමක් දියත් වුණු දවසක්. ඒ තමයි කුරිරු වීරප්පන්ව අල්ලන්න පොලිසිය සහ හමුදාව එකතු වෙලා “Operation Cocoon” පටන් ගත්ත රෑ!

එක පැත්තකින් තුවක්කු අරගත්ත පොලිස් බළඇණි, අනිත් පැත්තෙන් කැලේ පීරන මිනීමරු දඩයම්කරුවන්, තවත් පැත්තකින් තමන්ව හොයාගෙන එන ගෙදර අය. මේ මැදට මැදිවෙන අහිංසක පෙම්වතුන් දෙන්නට එළිවෙනකම් පණ බේරගෙන ඉන්න පුළුවන් වෙයිද?

මේකේ තියෙන විශේෂම දේ තමයි තාත්වික බව. කර්ණාටක – තමිල්නාඩු බෝඩර් එකේ සිද්ධ වෙන කතාවක් නිසා කන්නඩ, දෙමළ වගේම තෙළිඟු භාෂාවනුත් මේකේ යොදාගෙන තියෙනවා. ඒ වගේම D. Imman ගේ මියුසික් එක ෆිල්ම් එකේ ත්‍රාසය දෙගුණ තෙගුණ කරනවා.

අලුත් නළුවෙක් වුණාට Raanna ගේ රඟපෑම ඉහළ මට්ටමේ එකක් කියලා විචාරකයෝ පවා පුදුම වෙලා තියෙන්නේ. ඒ වගේම ජගපති බාබු සහ කිෂෝර් වගේ දැවැන්තයෝ ඉන්න නිසා රඟපෑම් ගැන ආයේ කතා කරන්න දෙයක් නෑ.

මේක බොක්ස් ඔෆිස් හිට් වුණු, විචාරකයින්ගෙන් 4/5 රේටින්ග්ස් ගත්ත ෆිල්ම් එකක්. කිචා සුදීප් පවා මේක බලලා “සුපිරි වැඩක්” කියලා තිබුණා.

ඉතින් ඔයත් ත්‍රිලර් ෆිල්ම් වලට ආස නම්, ආදර කතාවක් ඇතුලේ ලේ වගුරුවන ත්‍රාසයක් විඳින්න කැමති නම්, Elumale කියන්නේ මඟ නොහැරිය යුතු අත්දැකීමක්!

⛔ Due to copyright issues we do not provide any torrent links